Júzý sportynan Qazaqstan kýbogynda Adelaıda Pchelıntseva rekord ornatty
ASTANA. QazAqparat - Temirtaýda júzý sportynan Qazaqstan kýbogy jalǵasyn tapty. Jarqyn oqıǵalardyń biri - Adelaıda Pchelıntseva ornatqan eldiń jańa rekordy, dep habarlaıdy Qazaqstan UOK-ǵa silteme jasaǵan SIA «SPORTINFORM».
Sportshy keýdemen júzýden 50 metr qashyqtyqty tamasha eńserdi. Endi Qazaqstannyń bul túrdegi eń joǵary jetistigi 31,55 sekýndqa teń.
«Biz odan da jaqsy ýaqytty kórsetý úshin daıyndalǵanbyz. Bul álem chempıonatyna daıyndyqtyń qorytyndy sóresi bolǵan. Jibergen qatelermen jumys isteımiz. Odan keıin ÁCh-da budan da jaqsy nátıje kórsetpekpiz. Rekordtyq júzý meni óte qýantty. Súıikti dıstantsııada halyqralyq klastaǵy sport sheberiniń normasyn oryndadym. Óte baqyttymyn! Jalpy alǵanda, bul maýsym men úshin jaqsy ótti. Endi eresekter arasyndaǵy álem chempıonatyna qatysamyn. Bul - men úshin úlken abyroı», - dep baıandady jarystan keıin Adelaıda Pchelıntseva.
