Júzý sportynan Qazaqstan kýbogy: Alǵashqy jeńimpazdar anyqtaldy
ASTANA. QazAqparat - Temirtaýda júzý sportynan ótip jatqan Qazaqstan Respýblıkasynyń kýbogynyń alǵashqy jeńimpazdary anyqtaldy, dep habarlaıdy QazAqparat tilshisi.
QR Ulttyq olımpıada komıteti baspasóz qyzmetiniń habarlaýynsha, sportshylar jalpy esepte kósh bastaý úshin bar kúshin salyp jatyr. Jarys erejesi boıynsha, úsh qashyqtyqta jıǵan upaı sany qosylyp, jeńimpaz anyqtalady. Árbir nátıjege belgilengen upaı kórsetkishi jazylady.
Kýbok dodasynyń alǵashqy kúninde úzdik atanǵan sportshylar tizimi:
Áıelder, batterflıaı, 50 m - Alına Kostenko (28.27)
Áıelder, shalqalaı júzý, 200 m - Anastasııa Rezvantseva (2:14.75)
Erler, batterflıaı, 50 m - Ádil Qasqabaı (24:37)
Áıelder, brass, 100 m - Adelaıda Pchelıntseva (1:10.31)
Erler, brass, 100 m - Aıbek Qamzenov (59.71)
Áıelder, erkin ádis, 200 m - Dıana Zlobına (2:03.19)
Erler, erkin ádis, 200 m - Kırıll Shatskov (1:50.45)
Kýbok básekesine elimizdiń eń úzdik sportshylary túgeldeı derlik qatysýda. Tek Olımpıada chempıony Dmıtrıı Balandın ǵana jeke baǵdarlamamen jattyǵyp jatyr. Ol qazir Italııada oqý-jattyǵý jıynynda. Jarys 9 qarasha kúni óz máresine jetedi.
