Júzý sporty mektep baǵdarlamasyna engizilmek
ASTANA. KAZINFORM – 2026 jyly Almaty men Astana qalasynyń orta bilim baǵdarlamasyna júzý sporty engizilmek. Bul týraly búgin Úkimet otyrysynda Qazaqstan Sý sporty túrleri federatsııasynyń bas hatshysy Dmıtrıı Balandın aıtty.
- Dúnıejúzilik densaýlyq saqtaý uıymynyń dereginshe, 2024 jyly álemde 235 myńnan astam adam sýǵa batyp ketti, onyń 82 myńy 1-den 14 jasqa deıingi balalar. Bul tsıfr halyqty qarapaıym júzý daǵdylary men sýda qaýipsizdik tártibin oqytýdyń qanshalyqty mańyzdy ekenin kórsetedi. Osyǵan baılanysty Oqý-aǵartý mınıstrligimen birge baǵdarlama engizý jumysy istelinip jatyr. Onyń aıasynda júzý sabaǵy dene tárbıesi júıesine engizilip, mektep baǵdarlamasynyń bir bóligine aınalady, - dedi ol.
Onyń atap ótýinshe, bul jobany 2026 jyly Almaty men Astana qalasynda ilki joba retinde engizý josparlanyp otyr. Odan keıin birtindep búkil elimizge engiziledi.
- Mundaı bastama AQSh, Avstralııa, Majarstan syndy elderde júzege asyrylyp jatyr. Olar álemde júzýden eń myqty memleketterdiń biri sanalady ári uzaq jyldan beri mektep júıesinde balalardy júzýge mindetti túrde úıretýdi tabysty engizgen. Jobany iske asyrý erte bastan balalardyń sýda qaýipsiz bolý daǵdysyn qalyptastyryp, olardy sportqa tartýǵa múmkindik beredi, - dedi Dmıtrıı Balandın.
Aıta keteıik, Qazaqstan quramasy ártistik júzýden Azııa chempıonatynda bes medal jeńip aldy.