Júzý maýsymynyń ashylýy aldynda 4 myńnan astam sý qoımasy tekserildi - QR TJM
ASTANA. 17 maýsym. QazAqparat - Tótenshe jaǵdaılar mınıstrligi elimizdegi júzýge jáne demalýǵa paıdalanylatyn 4 myńnan astam sý qoımasyn tekserdi.
Bul jaıynda Rrimeminister.kz saıtyna bergen suhbatynda Tótenshe jaǵdaılar mınıstrligi Tótenshe jaǵdaılardy joıý departamenti dırektorynyń orynbasary Alekseı Sovetov málim etti.
«Júzý maýsymynyń ashylýy qarsańynda júzýge jáne demalýǵa paıdalanylatyn 4 myńnan astam sý qoımasyna túgendeý jasaldy. Qaýipti zattardyń bar-joqtyǵyn tekserý úshin sý qoımasynyń túbinde sýasty jumystary júrgizildi», - dedi A.Sovetov.
Sonymen qatar, TJM ókiliniń aıtýynsha, sý qoımalarynyń janynda ornalasqan 200 balalar lageri erekshe baqylaýǵa alynǵan.
Aıta ketý kerek, elimizdiń sý qoımalarynda azamattardyń ólim-jitimine jol bermeý úshin, ásirese 2013 jyldyń júzý maýsymynda, mınıstrlik 58 sý-qutqarý stansasynyń jeke quramyn, 22 qutqarý beketin, 7 ońtaıly-izdestirý tobyn jáne sý-qutqarý qyzmetteriniń 13 apattyq-qutqarý otrıadyn jasaqtady.
