Júzimniń qandaı paıdasy bar?
ASTANA. 15 qarasha. QazAqparat - Júzim aǵzany toksındrden tazartady jáne jasartady. Júzim - tek dámdi ǵana emes, sonymen qatar paıdaly ónim. Adamzat júzimniń emdik qasıetin kóp jyldar buryn paıdalana bastaǵan, dep habarlaıdy segodnya.ua.
Búgingi kúni zamanaýı zertteýler «ampeloterapııa», ıaǵnı, júzimmen emdeý uǵymynyń paıda bolýyna alyp keldi. Qyzyl júzimniń súıekteri polıfenol jáne bıoflavonoıdterge baı jáne júrek qan tamyr júıesiniń jumysyn jaqsartatyn jáne tutas aǵzany jasartatyn kúshti antıoksıdant bolyp tabylady. Júzimmen emdeýdiń ózi zat almasý, birinshi kezekte, sý-tuz almasý úrdisiniń belsendiligin arttyrýǵa baǵyttalǵan. Júzimniń quramynda zár aıdaıtyn jáne isikke qarsy zat retinde áser etetin, júrektiń qyzmetin qalypqa keltiretin kalıı tuzdary bar. Munan basqa júzimmen emdeý zat almasýdyń ýytty zattaryn tez shyǵarýmen aınalysady.
Biraq, júzimniń quramynda kóp mólsherde qant bar, sol sebepti sýsamyr aýrýymen aýyratyndarǵa ony kóp mólsherde jeýge bolmaıdy.
Búgingi kúni bárinen buryn júzimniń paıdasy týraly kosmetologtar biledi. Osy jemistiń qoldanylýymen kóptegen maskalardyń retseptteri belgili. Al júzim súıekterinen alynǵan maı arnaıy daıyndaý ádisiniń arqasynda barlyq belsendi zattardy saqtaıdy. Jáne ol dárýmenderge, mıneraldarǵa jáne maıly emes qyshqyldarǵa baı.
