Júzgish Zúlfııa Ǵabıdýllına álem rekordyn jańartty
ASTANA. QazAqparat - Portýgalııanyń Fýndshal qalasynda paralımpııalyq júzý sportynan Eýropa ashyq chempıonaty ótip jatyr. Bul týraly Shtattaǵy ulttyq komandalar jáne sport rezervi dırektsııasynyń baspasóz hatshysy Ardaq Toǵymovtyń aqpary boıynsha egemen.kz habarlady.
Oǵan 52 memleketten 453 sportshy qatysýda. Jarystyń ekinshi kúninde Zúlfııa Ǵabıdýllına 50 metrge erkin júzýde taǵy da álem rekordyn jańartty. Ol atalǵan qashyqtyqty 43,22 sekýndta júzip ótti. Osydan bir aı buryn, 6-10 sáýir aralyǵynda Nıderlandynyń Eındhoven qalasynda ótken kýbok jarysynda Zúlfııa Ǵabıdýllına 50 metrge erkin júzýde úsh ret álem rekordyn jańartqan edi. Endi, mine ol taǵy da álemdik rekord jasap otyr.
Qazaqstandyq sportshy alǵash ret 2013 jyly Kanadanyń Monreal qalasynda ótken álem chempıonatynda álemdik rekord jasaǵan bolatyn. Odan keıin Eýropa ashyq chempıonatynda bes ret álem rekordyn jańartty.
Bıylǵy Eýropa ashyq chempıonatyna Zúlfııa Ǵabıdýllınadan basqa Ánýar Ahmetov, Sııazbek Dalıev, Andreı Afanasev, Natalıa Zvıagıntseva, Qýanysh Asqar, Roman Agalakov, Marına Dýbınına, Mansurbek Ibrashev, Dmıtrıı Lı, jattyqtyrýshylar Vladımır Zagorodnıı, Natalıa Manohına men Sánııa Asýlova qatysyp jatyr. Olardy jarysqa Qazaqstan quramasynyń memlekettik jattyqtyrýshy Ernazar Beksultanov pen júzýden aǵa jattyqtyrýshy Sattar Beısembaev bastaǵan bardy.
