Júzge tolǵan brıtandyq egizder uzaq jasaýdyń qupııalarymen bólisti
ASTANA. QazAqparat - Storport-on-Severn qalasynyń (Výstershır brıtan graftyǵy) egizderi 100 jasqa tolǵandaryn atap ótip, uzaq jasaýdyń qupııasy eńbeksúıgishtik pen durys tamaqtaný ekendigin aıtty. Bul týraly Metro habarlady.
Iren Kramp (Irene Crump) pen Fıllıs Djonstyń (Phyllis Jones) arasy 25 mınýt qana. Eki áıel 20 qarasha kúni mereıtoılaryn atap ótip, basylymǵa ómir boıy birge júrgenderin málimdegen. Egizder bir mektepte bilim alyp, bir jumysqa ornalasqan jáne ómir boıy birge turǵan. Endi olarǵa Djonstyń 58 jastaǵy uly Karl qaraýda.
Aıta keteıik, Iren men Fıllıs Ulybrıtanııa tarıhyndaǵy 100 jyldyqtaryn toılaǵan 6 egiz juptyń biri.
