Júzge tolǵan áje mereıtoıynda parashıýtpen sekirdi
ASTANA. QazAqparat - Hoýz-Keıv (Nıý-Iork shtaty) qalashyǵynyń turǵyny Eleanor Kannıngem óziniń júz jyldyq mereıtoıynda parashıýtpen sekirip, týǵan kúnin elden erekshe atap ótti, dep habarlady jergilikti BAQ.
Kannıngem parashıýtpen eń alǵash ret jasy 90-ǵa tolǵanda sekirip, ony 95 jasynda qaıtalaǵan edi. Qart áıeldiń densaýlyǵyn qadaǵalap júrgen dárigerler oǵan 100 jasta da sekirýge ruqsat bergen.
Mereıtoı ıesi ınstrýktormen juptasyp 2,7 myń metr bıiktikten sekirdi, dep habarlaıdy TASS agenttigine silteme jasaı otyryp Day.Az. saıty.
Nıý-Iork qalasynda dúnıege kelgen Kannıngemniń 5 balasy, 15 nemeresi, 26 shóberesi jáne 2 nemenesi bar. Olardyń kóbi ájesine qoldaý tanytypty. Kannıngem uzaq ómir súrýdiń qupııasyn bólskende otyz jyl boıy et jemegenin aıtypty. Týystarynyń aıtýynsha, ol 95 jasyna deıin kólik júrgizip, boýlıng oınaǵan.
