Júzden astam áskerı Almaty oblysynyń taýlarynda jaýyngerlik kezekshilik jasady
«Órttiń qaýipti kezeńi bastalǵannan beri oblys aýmaǵynda memlekettik orman qory aýmaǵyndaǵy qurǵaq shópter men ósimdikterdiń 21 janýy tirkeldi. Jalpy aýdany 16 418 ga, materıaldyq shyǵyny - 19 mln 681 myń teńge. Eldi mekenderden tys jerlerde qurǵaq shóptiń 99 janýy 148 ga alańda oryn aldy. Óz kezeginde, órt qaýipti kezeńge daıyndyqty kúsheıtý úshin Almaty oblysynyń Talǵar jáne Qarasaı aýdandarynda, sondaı-aq beketterinde órt qaýipti kezeńde qaýipsizdikti qamtamasyz etý boıynsha Іle ózeni boıyndaǵy qutqarýshylar bazasynda azamattyq qorǵanys 28237 áskerı bóliminiń 120 qyzmetshisi qoıyldy», - delingen Almaty oblystyq TJD baspasóz qyzmetiniń habarlamasynda.
Áskerı qyzmetshilermen orman órtine áreket etý jáne aldyn alý is-sharalaryn júrgizý boıynsha nusqaýlyqtar ótkizildi. Almaty oblysy TJD qyzmetkerleri áskerı qyzmetshilermen birlesip kún saıyn halyqtyń demalatyn oryndarynda reıdtik is-sharalar ótkizedi. Reıdtik is-sharalardy ótkizý úshin polıtsııa qyzmetkerleri men eriktiler, orman sharýashylyǵy jáne ulttyq parkter tartylady. Azamattyq qorǵanys kúshteri, jergilikti polıtsııa qyzmeti, orman mekemeleri men JAO-dan 51 adamnan turatyn 10 mobıldi top quryldy. Qurǵaq shóptiń janýyna ákep soqqan órt qaýipsizdiginiń belgilengen erejelerin buzǵany úshin 1 mln 483 myń teńge somasyna aıyppul túrinde 23 jeke jáne zańdy tulǵa ákimshilik jaýapkershilikke tartyldy.
Almaty oblysynyń TJD oblys turǵyndaryna, týrısterge jáne qonaqtarǵa órt qaýipti maýsymda qaýipsizdiktiń barlyq talaptaryn saqtaýdy usynady.
