Júzden asa adamnyń ómirin jalmaǵan Gvatemaladaǵy janartaý qaıta oıandy
ASTANA. QazAqparat - Buǵan deıin 100-den astam adamnyń ómirin qıǵan Gvatemaladaǵy Fýego janartaýy qaıta oıandy. Bul týraly Ortalyqamerıkalyq memlekettiń ulttyq seısmologııa ınstıtýtynyń málimetterine silteme jasap Prensa Libre habarlady.
Atap ótilgendeı, mamandar janartaýdyń kraterindegi jarylystardy tirkegen. Al gazdar men ystyq kúl 5 km bıiktikke deıin atqylaýda.
Sarapshylar kúldiń janartaýǵa jaqyn ornalasqan eldi-mekenderge, sonyń ishinde eldiń burynǵy astanasy Antıgýaǵa da túsýi múmkindigin joqqa shyǵarmaıdy.
Buǵan deıin qaza tapqandar sany 100-den asyp, 200 adam iz-túzsiz joǵalyp ketkeni habarlanǵan bolatyn.
Gvatemalada Fýego janartaýy 3 maýsym kúni atqylaı bastady.
