Júzdegen úleskerdi aldaǵan iri qurylys kompanııasynyń basshysyn óltirip ketti
ASTANA. QazAqparat - «Omstroı-2001» iri qurylys kompanııasynyń burynǵy basshysy Vıktor Bergtyń múrdesi Omby shetindegi ormannan tabyldy.
Kıller kásipkerdiń basynan eki ret atqan. Oqıǵa ornyna jedel-tergeý toby shyqty.
Vıktor Bergke qatysty onǵa jýyq qylmystyq is qozǵalǵany belgili. Olardyń arasynda jalaqyny tólemeý, nesıeni zańsyz alý, asa iri kólemdegi ózgeniń múlkin urlaý, qasaqana bankrottyq, qyzmettik ókildigin teris paıdalaný, sot sheshimin oryndamaý bar.
2009 jylǵa deıin Berg «Omstroı-2001» qurylys kompanııasyn basqarǵan. Tergeý nusqasy boıynsha, ol mıllıard rýblge jýyq qarjyny urlaýda kúdikti tanylǵan. Oǵan qatysty qylmystyq ister 300-ge jýyq tomdy qurady. Ony úsh jyldan boıy Ombynyń Kýıbyshev aýdandyq soty qaraýda.
