Júzdegen mıgrant Vengrııadan Avstrııaǵa jaıaý ketti
ASTANA. QazAqparat - Júzdegen mıgrant Býdapeshtten ketip, Avstrııaǵa jaıaý attandy, dep habarlady vengrııalyq baspasóz. Bular Germanııaǵa baratyn poıyzǵa otyrýǵa úmittenip, birneshe kún boıy vokzal mańynda túnegen.
Jýyrda temir jol basshysy arnaıy ókim shyqqanǵa deıin kólikterdiń qatynaýy toqtatylǵanyn habarlady.
Atap aıtar bolsaq, 3 qyrkúıekte Keletı vokzalynan Avstrııaǵa attanǵan poıyzdy Býdapeshtten 40 shaqyrym jerde toqtatqan.
Mıgranttardy túsirip, bosqyndarǵa arnalǵan lagerge jibergen. Sharany uıymdastyrý kezinde tártipsizdikter oryn alǵan bolatyn.
