Júzdegen mıgrant Chılı-Perý shekarasynan óte almaı tur
ASTANA. QazAqparat – Júzdegen adam, basym bóligi Venesýela turǵyndary Arıka qalasyna jaqyn mańdaǵy Chılı men Perý arasyndaǵy shekaralyq ótkizý pýnktinde besinshi kún bógelip tur, dep habarlaıdy QazAqparat Euronews agenttigine silteme jasap.
Olardyń sózinshe, mıgranttar ary qaraı óz elderine jetý úshin shekaradan ótpekshi. Biraq Perý bıligi qujattary joq bolǵandyqtan olardy elge kirgizbeı jatyr.
Mıgranttar Chılıden baǵa ósip, jumys tabý qıyndap, turýǵa yhtııarhat alý múmkin emes bolǵandyqtan ketip bara jatqanyn aıtady.
Eki el bıligi tirkeý pýnktterin jasap, shekaradaǵy mıgranttarǵa ýaqytsha qujat beremiz dep ýáde berdi.
Chılı prokýratýrasynyń málimeti boıynsha, bıyldyń ózinde elge shamamen 10 myń zańsyz mıgrant kelgen.
Qazirgi ýaqytta el parlamentinde zańsyz ımmıgratsııany qylmystyq is dep qarap, bir jarym jylǵa deıin bas bostandyǵynan aıyratyn zań jobasy talqylanyp jatyr.
Perý parlamentine beısenbi kúni mundaı tártipbuzýshylyq úshin 10 jylǵa deıin túrmege qamaýy múmkin zań jobasy engizildi.
