Júzdegen qustar Tehastyń kók tiregen úılerine soǵyldy
ASTANA. QazAqparat - Ońtústikte qystap shyqqan qustar jyldaǵydaı Meksıka shyǵanaǵyn qıyp ótip, soltústiktegi ózderi uıa salatyn oryndarǵa baǵyt alǵan.
Mamyrdyń bas kezinde Galveston aýmaǵynda kúshti jel turyp, nóser jańbyr jaýdy. Osynyń saldarynan qustar tómendep ushqan.
Mamandardyń aıtýynsha, qarańǵylyq qushaǵynda qalǵan qustar 25 qabatty záýlim ǵımarattardaǵy ótkir jaryqtardy kún sáýlesi dep qabyldaǵan bolýy kerek. Júzdegen qanattylar bıik úılerge soǵylyp ólgen, tek úsheýi ǵana tiri qalǵan. Olar ońaltý ortalyqtaryna jetkizildi.
Tehas ornıtologtarynyń atap ótýinshe, mundaı qustardyń jappaı qyrylýy sońǵy on jyldyń kóleminde kezdespegen.
Olar iri qalalardyń bılik oryndaryna qustardyń kelý jáne qaıtý maýsymynda bıik úılerdegi jaryqty eń bolmaǵanda túngi mezgilde sóndirýdi surady.
