Júzdegen delfın Vellıngton qalasynyń aılaǵyna jınaldy
ASTANA. 3 naýryz. QazAqparat - Jańa Zelandııa astanasynyń turǵyndary bir ýaq barlyq sharýasyn jıyp qoıyp, tańǵajaıyp kórinisti tamashalady.
Júzdegen delfın Vellıngton qalasynyń aılaǵyna jınaldy, dep jazady muslim.kz saıty.
Ádette bul janýarlar ary ketkende on ekiden ǵana toptanyp júredi. Delfınderdiń bul qylyǵy jergilikti turǵyndardy aıran-asyr qaldyrdy. Mamandar munyń syryn qorektiń mol qorymen túsindirip otyr.
Onyń ústine, delfınderdiń toptasyp tirshilik etetinin esten shyǵarmaý kerek. Bul kórinisti tamashalaǵandardyń qarasy kóp boldy.
