Júzdegen adam Nur-Sultan kóshelerin qardan tazartýda
NUR-SULTAN. QazAqparat – Elordada júzdegen adam jáne tehnıka qala kóshelerin qardan tazartý jumystaryna jumyldyryldy, dep habarlaıdy QazAqparat.
Máselen, osy ýaqytta «Baı̆qońyr» aýdanynda 107 arnaı̆y tehnıka joldardy tazartýda.
«Birinshi kezekte ortalyq kóshelerdiń boıy, jaıaý júrginshiler joly, sonymen qatar aıaldamalar men trotýarlar tazartylýda. Sondaı-aq kóktaı̆ǵaqtyń aldyn alý úshin qum-tuz qospasy shashylyp jatyr. Jumystarǵa arnaıy tehnıkamen qosa, 300-ge jýyq adam jumyldyryldy», - delingen aýdan ákimdiginiń aqparatynda.
Osyndaı jumystar ózge aýdandarda atqarylýda. Barlyq kommýnaldyq qyzmetter kúsheıtilgen rejımge kóshirildi.
«Saryarqa» aýdanynda qazirgi ýaqytta qardan tazartýmen 19 merdigerlik uıym aınalysýda. Barlyǵy 159 arnaıy tehnıka jáne 371 jol jumysshysy tartylǵan.
Eske salaıyq, búgin astanada qar jaýyp, aınalany aq ulpa basty. Sınoptıkter erteń, 26 qazan kúni aýa raıynyń buzylýyna baılanysty eskertý jasap otyr. Qalada qatty kóktaıǵaq, nóser jaýyn, 21 m/s ekpindegi jel kútiledi.
Jaqynda Qazgıdromet aldaǵy qys aıyndaǵy aýa raıyna boljamyn jarııalaǵan edi.
