Júzdegen adam London ortalyǵynda Tetcherdiń qaıtys bolýyn atap ótýde
ASTANA. 14 sáýir. QazAqparat - Júzdegen adam Ulybrıtanııanyń burynǵy premer-mınıstri Margaret Tetcherdiń ólimin atap ótý úshin London ortalyǵyndaǵy Trafalgar alańyna jınaldy.
Bul týraly AǴR habarlady.
Alańǵa jınalǵandardyń arasynda burynǵy kenshiler, solshyldar qozǵalystarynyń belsendileri jáne stýdentter. Qatysýshylar «temir hanymnyń» qýyrshaǵyn jasap, ara-tura eks-premerdiń óliminen keıin tanymal bolyp ketken «Oz eliniń sıqyrshysy» fılmindegi «Dın-don, jalmaýyz óldi» ánin shyrqaýda. London polıtsııasy joǵary daıyndyq kúıine keltirildi. Trafalgar alańyna quqyq saqshylarynyń kúsheıtilgen jasaqtary tartyldy.
Eske salaıyq, «temir hanym» Margaret Tetcher 87 jasynda 2013 jyldyń 8 sáýiri kúni kóz jumdy. Ol Ulybrıtanııa úkimetiniń basshysy laýazymynda 1979-1990 jyldar aralyǵynda boldy.
