Júz jyldan keıin bes myńnan astam til joǵalady
ASTANA. QazAqparat - 2115 jylǵa qaraı Jer sharyndaǵy qazirgi alty myń tildiń bir myńnan azy ǵana qalady. Mundaı boljamdy amerıkalyq ǵalymdar jasady. Bul obektıvti jaǵdaılarǵa negizdelgen: shaǵyn toptar úlken qaýymdastyqtardyń yqpalyna túsip, ýaqyt óte kele, olardyń mádenıet, sondaı-aq tilin qabyldaıdy.
AQSh-tyń til ǵylymy ǵalymdary eldi eleń etkizgen osy boljamyn jarııalady. Qazirgi kezde Jer sharynda bar 6 myń tildiń ishinen 100 jyldan keıin tek bir myńy ǵana qalady. 5 myńy iz-tússiz joǵalyp ketedi, - deıdi ǵalymdar.
Osyǵan súıenip, Wall Street Journal tanymal aqparattyq basylymy oqyrmandaryna bir ǵasyrdyń ishinde ǵalamsharymyzdan bes myńnan astam tildiń joǵalatynyn habarlaǵan. Sondaı-aq, mamandar aldaǵy ýaqytta kóptegen tilderdegi sózderdiń jazylýy men daýystalýy jeńildetiledi dep oılaıdy.
