Júz jasaǵan astanalyq keıýanany merekemen quttyqtady
ASTANA. 6 naýryz. QazAqparat - Búgin Saryarqa aýdanynyń ákimi Ermek Ospanov 100 jasqa tolǵan astanalyq keıýana Nurjámılá Qordabaevany 8 naýryz merekesimen quttyqtady, dep habarlaıdy elordanyń resmı saıty.
Ǵasyr jasaǵan ǵumyrynda keıýana kóp qıyndyqtardy bastan ótkergen. Oral oblysynda dúnıege kelgen ol Uly qazan tóńkerisin, eki soǵysty kórgen.
«Ata-anamnan bir jasymda kóz jazyp, ómirdiń aşy dámin bala kúnimnen tatyp óstim. Sonaý alasapyran 1931-33 jyldary qazaq dalasyn jaılaǵan asharshylyq zamandy da bastan ótkerdim. Otyz jasymda Qaraǵandyda turmysqa shyqtym, kúıeýimdi sol jyly áskerge alyp ketti. Segiz qursaq kóterdim. Eki balam kisiniń qolynan qaza tapty. Jalpy alty baladan kóz jazdym, ekeýi janymda», - degen qarııanyń sózderi men isi áli de myǵym.
«Biz ardagerlerdi kóbine mereıtoılarymen quttyqtaımyz. Mine, búgin júzge kelgen qarııanyń shańyraǵyna 8 naýryz kúni kelip, ózimizshe merekelik syı-sııapat usynýymyz aıyryqsha jaǵdaı boldy», - dedi aýdan ákimi Ermek Ospanov.
