Júz jasaǵan Amerıkandyq keıýana ajalynan bir kún buryn dıplom aldy
ASTANA. Qańtardyń 28-i. QazAqparat - Massachýsets shtatyndaǵy ábden egde tartqan qarııa ajalynan bir kún buryn kolledjdiń dıplomyn aldy,
dep habarlaıdy QazAqparat Associated Press saıtyna silteme jasap. Garrıet Rıchardson Eıms óziniń ǵasyrlyq toıyn toılaǵannan keıin úsh apta ótken soń kóz jumdy.
Eıms zeınetke shyqqanǵa deıin bastaýysh synyptardyń muǵalimi boldy. Ol mektepte 1931 jyldan bastap istedi jáne sabaq berýden qol úzbeı 20 jyl boıy dırektor boldy. Uzaq jyldar boıy ol keıinnen bakalavr dıplomyn alý úshin jetkilikti synaqtardy tapsyrý maqsatynda ýnıversıtettik baǵdarlamalardyń túrli kýrstaryn aıaqtaıdy.
1970 jyldardyń basynda Garrıet Eıms zeınetkerlikke shyǵady. Ol kóz-janarynyń nasharlaýyna baılanysty jumys pen oqýdy ushtastyryp alyp júre almaıdy. Onyń júz jyldyǵyna birneshe jyl qalǵanda muǵalımaǵa mektep týraly fılm daıarlaýmen aınalysyp jatqan top keledi. Jýrnalıstermen bolǵan suhbat barysynda Eıms dıplom alýdy ańsaıtynyn aıtady. Budan keıin mektep ákimshiligi muǵalımanyń oqyǵan kolledjine onyń dıplom alýy úshin jetkilikti pánderden synaq tapsyrǵan-tapsyrmaǵany týraly anyqtaý maqsatynda ótinish bildiredi.
Qańtardyń 22-sinde oqý orny Eımske bakalavr dárejesi berilgeni týraly qujat ákeledi. Kelesi kúni áıel baqılyqqa atanyp kete berdi. Mekeme qyzmetkerleriniń aıtýynsha, dıplom alý keıýananyń eń sońǵy maqsaty bolǵan kórinedi.
