«Júz kúndik jalǵyzdyq» atty kitap jaryqqa shyqty (FOTO)

ASTANA. QazAqparat - Búgin Ulttyq akademııalyq kitaphanada abyz jazýshy Ábish Kekilbaevty eske alýǵa arnalǵan kesh ótti. Kesh aıasynda jýrnalıst Jumabek Muqanovtyń «Júz kúndik jalǵyzdyq» atty kitabynyń tusaýy kesildi.

Kitap zańǵar jazýshy Ábish Kekilbaevtyń ómirine arnalǵan.

«Men aqparat quraldarynda qazaly kúnderdiń shejiresin jarııalaı bastaǵanda, maǵan birtalaı kisi qońyraý shalyp, «bul kitapqa suranyp turǵan dúnıe eken» dedi. Sondyqtan, jınap, kitap qylyp shyǵardym. Týyndynyń nebári bir aptada jaryqqa shyǵýyna muryndyq bolǵan Raqymjan Otarbaev»,-deıdi J.Muqanov.

«Ábish aǵanyń jetisi Aqtaýda ótti, qyrqy Almatyda ótti. Júzi Aqtaýda ótetin boldy dep estigen soń, osy kitapty shyǵaryp, 2000 danamen asynda tarattyq»,-deıdi J.Muqanov.

Ábish Kekilbaıuly 1939 jyl 6 jeltoqsanda Mańǵystaý oblysynda týǵan. 2015 jyly 76 jasynda ómirden ozdy. Ábish Kekilbaev - Qazaqstannyń Eńbek Eri, Memlekettik syılyqtyń laýreaty. Ábish Kekilbaev Shyńǵys Aıtmanovtyń «Erte kelgen tyrnalar», L.Tolstoıdyń «Soǵys jáne beıbitshilik» romandaryn aýdarǵan. Qazaq halqy úshin kózi tirisinde ǵasyr jazýshysyna aınalǵan.