Jýyrda jabylǵan «Odnoklassnıkı» áleýmettik jelisiniń balamasy ashyldy

ASTANA. QazAqparat - Tájikstanda jergilikti vipnet.tj áleýmettik jelisi ashyldy. Ol elde jýyrda jabylǵan reseılik «Odnoklassnıkı» áleýmettik jelisiniń balamasy kórinedi.

Jańa áleýmettik jelide ekstremıstik materıaldar men balaǵat sózderdiń jarııalanýyna qatań tyıym salynǵan. Onda bulardyń jarııalanýyna jol bermeıtin arnaıy fıltr bar.

Sondaı-aq onda Tájikstan Respýblıkasynyń zańdylyqtaryna qaıshy keletin materıaldardyń jarııalanýyna da tyıym salynypty. Atap aıtqanda, Islam dinine saı kelmeıtin fotolar men beınematerıaldar, sonymen qatar avtorlyq quqyqty buzatyn materıaldar da jaryqqa shyqpaıdy, dep habarlaıdy Qazaqstan musylmandary dinı basqarmasynan.