Jýyrda Tótenshe jaǵdaı rejıminiń uzartylýyna qatysty tıisti sheshim qabyldanady – Berik Ýálı
NUR-SULTAN. QazAqparat – Jýyrda Tótenshe jaǵdaı rejıminiń uzartylýyna qatysty tıisti sheshim qabyldanatyn bolady. QR Prezıdentiniń baspasóz hatshysy Berik Ýálı osylaı málim etti, dep habarlaıdy QazAqparat.
«Koronavırýsqa qarsy kúres – kún tártibinde qarastyrylatyn negizgi másele. Qasym-Jomart Kemeluly kún saıyn Úkimettiń, Tótenshe jaǵdaı jónindegi memlekettik komıssııa músheleriniń, óńir basshylarynyń esepterin tyńdaıdy. Jaqynda ǵana Prezıdent barlyq oblystardyń jáne respýblıkalyq mańyzy bar qalalardyń ákimderine telefon shalyp, shaǵyn jáne orta bıznesti qoldaýǵa, halyqty áleýmettik qorǵaýǵa, kóktemgi egis naýqanyna jáne sý tasqynyna qarsy jumystarǵa baılanysty naqty tapsyrma berdi», - dep jazdy Berik Ýálı Facebook -tegi paraqshasynda.
Onyń aıtýynsha, elimizdegi jáne álemdegi epıdemıologııalyq ahýal únemi ózgerýde.
«Jýyrda túsken aqparattar negizinde Tótenshe jaǵdaı rejıminiń jáne karantın sharalarynyń uzartylýyna qatysty tıisti sheshim qabyldanatyn bolady», - dedi Berik Ýálı.
Eske sala ketsek, Prezıdent kelesi aptada koronavırýsqa baılanysty halyqqa úndeý jarııalaıtyny habarlandy.
