Jýyrda m-agent týraly qazaqstandyq rejısserdiń fılmi prokatqa shyǵady
ASTANA. QazAqparat - Erkin Raqyshevtiń "M-Agent" úreıli kartınasy 3 sáýirde Qazaqstan prokatyna shyqpaq. Bul týraly kinostan.kz saıty habarlady.
Fılmde aýqatty otbasynan shyqqan stýdentter týraly baıandalady. Birde olar túnde qydyrystan kele jatyp, jol boıynda bir qyzdy qaǵyp ketedi. Dostar onyń denesin qala syrtyna shyǵaryp, tastap ketedi. Osydan keıin álgiler birinen soń biri belgisiz sebeptermen óle bastaıdy.
Osy kezde qalada manıak paıda bolǵany týraly qaýeset taraıdy. Ol "Agent" messendjeri arqyly adamdarmen tanysyp, keıin solardy óltiredi eken. Bul iske polıtsııa men bir jýrnalıst aralasady. Basty keıipkerler bastary bálege qalǵanyn túsinedi, biraq bári kesh edi.
Stsenarııdi Erkin Raqyshevtiń ózi jazǵan. Basty rólderde Záýre Kópjasarova, Gúlsharat Jubaeva, Jasulan Moldaqul, Dına Tasbolatova oınaıdy.
Eske sala ketelik, "M-Agent" horrory 2013 jyly ІH Halyqaralyq «Eýrazııa» kınofestıvali aıasynda tanystyrylǵan edi.
