Júıkesinde aýytqýy bar qyzylordalyq turǵyn úıdi «jaryp jibermek» boldy
QYZYLORDA. QazAqparat- 7 tamyz kúni túngi saǵat 03.20 shamasynda Qyzylorda qalalyq ІІB Jedel basqarý ortalyǵynyń «102» nómirine belgisiz azamat habarlasyp, 2 gaz ballony men 7 dana granatanyń kómegimen Panfılov kóshesi boıyndaǵy turǵyn úıdi jaryp jiberetindigin aıtqan. Bul týraly QazAqparat tilshisi oblystyq ІІD silteme jasap habarlady.
Oqıǵa ornyna jedel túrde polıtsııa qyzmeti men arnaıy qyzmet túrleriniń kúsh-quraldary jumyldyrylyp, tolyq tekserý jumystary júrgizildi. Nátıjesinde eshqandaı jarylǵysh zat nemese kúdik týdyrarlyq quraldar anyqtalmaǵan.
Jedel izdestirý sharalary barysynda jarylǵysh zat týraly habarlaǵan 37 jastaǵy azamat anyqtalyp, Qalalyq ishki ister basqarmasyna jetkizildi. Atalǵan derek boıynsha qazirgi tańda Qazaqstan Respýblıkasy Qylmystyq kodeksiniń 273-baby boıynsha qylmystyq is qozǵalyp, sotqa deıingi tergep-tekserý amaldary júrgizilýde.
Tekserý kezinde atalǵan azamattyń júıke aýrýlar emhanasynda esepte turatyny belgili bolyp, ol dárigerlerdiń baqylaýyna berildi.
