Júıke aýrýyna shaldyqqan aqtóbelik eki aıdan beri tabylmaı jatyr
AQTÓBE. QazAqparat – Júıke aýrýyna shaldyqqan Jambyl Pirmaǵanbetov eki aıdan beri tabylmaı jatyr, dep habarlaıdy QazAqparat tilshisi.
«Aqtóbe oblysynyń polıtsııa departamenti 2019 jyly 9 jeltoqsanda úıinen belgisiz baǵytta shyǵyp, osy kúnge deıin qaıtyp oralmaǵan Jambyl Pirmaǵanbetovti izdestirilýde. Ol ІІ toptaǵy múgedek, aqyl-esi kem, psıhologııalyq dıspanserde esepte tur. Eger onyń ornalasqan jeri týraly aqparat bolsa, polıtsııaǵa «102» telefony arqyly habarlasýdy suraımyz», - deıdi oblystyq DP baspasóz qyzmetiniń jetekshisi Erbolat Sarqulov.
Aıta keteıik, joǵalyp ketken naýqastyń apasy Mınıýk Velenıazova inisiniń aýrýhanadan jeke kýálik jasatý úshin shyqqanyn, úıge kelgen soń belgisiz jaqqa shyǵyp ketkenin aıtty.
«Ol qaıda turatynyn, óziniń kim ekenin túsindire almaıdy. Ózge adamdarǵa zııany tıe me dep qorqamyz», - dedi Mınıýk Velenıazova.
