Júıelik qatelikterge baılanysty azamattar medıtsınalyq kómekten tys qalmaýy kerek - Toǵjanov
«Mindetti áleýmettik medıtsınalyq saqtandyrýdy tıimdi iske asyrýymyz qajet. Qazirgi tańda elimizdiń halqynyń 92,3 paıyzy shartty túrde saqtandyryldy. Tehnıkalyq daıyndyq 100 paıyzǵa qamtamasyz etilip otyr. 97 paıyzy elektrondy densaýlyq tólqujatyna engizildi. Munyń ózi az jumys emes. Biraq, biraz azamat syrt qalyp otyr, 1,5 mıllıonǵa jýyq adam bar. Onyń bárin naqtylap anyqtaý qajet. Oǵan ýaqyt bar. Naýryz aıynyń ishinde osy jumysty atqarýǵa múmkindik jetkilikti»,- dedi Erlay Toǵjanov.
Osy rette Úkimet basshysynyń orynbasary Densaýlyq saqtaý mınıstrligine jergilikti ákimdiktermen birlesip, osy jyldyń 1 sáýirine deıin atalǵan jumysty aıaqtaýdy tapsyrdy.
«Júıelik qatelikterge baılanysty azamattar medıtsınalyq kómekten tys qalmaýy kerek ekendigin esterińizge salamyn», - dedi Premer-Mınıstrdiń orynbasary.