Júıe quraýshy bankter sheteldik ınvestorlardyń baqylaýyna kóshpeıdi
Y. Qarashanyń 13-i. QazAqparat /Erlik Erjanuly/ - Bank júıesi turaqtaldy. Negizgi kapıtal 1,5 paıyzǵa ósip, nesıeleý 60 paıyzǵa ulǵaıdy.
Elbasy respýblıkalyq radıo jáne telearnalardyń tikeleı jelisinde qazaqstandyqtardyń saýaldaryna jaýap berý kezinde osylaı aıtty, dep habarlaıdy QazAqparat.
Suhbat kezinde almatylyq kásipker Ádil Ámirov kredıtorlarǵa qaryzy bar bankterdi sheteldik ınvestorlardyń óz baqylaýyna alý qaýpi týraly saýal joldaǵan edi. Elbasy qazir bank sektoryndaǵy aýyr kezeńdi bastan ótkergenimizdi, qazir ahýal qaıta jaqsara bastaǵanyn aıtty. Sondaı-aq júıe quraýshy bankterdiń sheteldikter baqylaýyna kóshýine jol berilmeıtinin jetkizdi. Nursultan Ábishulynyń aıtýynsha, bul eldiń ulttyq qaýipsizdigi úshin jasalyp otyr.
