Júsipbek Qorǵasbek: Eń bastysy - memleket tarapynan qamqorlyq bar ekenin sezindik

ALMATY. QazAqparat – Belgili jazýshy, jýrnalıst, «Qurmet» ordeniniń ıegeri Júsipbek Qorǵasbek Memleket basshysy Qasym-Jomart Toqaevtyń málimdemesine oraı pikir bildirdi, dep habarlaıdy QazAqparat tilshisi.

«Qazaqstan Prezıdenti Qasym-Jomart Toqaev el aldyna jıi shyǵyp turady. Bul óte durys. Barlyq ýaqytta solaı bolýy kerek. Prezıdentti kózben kórip, qulaqpen estip turǵannan jaman bolmaımyz. Adamǵa eń aldymen senim kerek. Onyń keshegi málimdemesi osy ıdeıaǵa qyzmet etedi. Іshte senim ornaıdy. Sol keshegi málimdemeni el eleńdep kútti. «Prezıdent sóıleıdi eken» dep bir-birine aıtyp jatty. Elge kerek máselelerdi sala-sala ǵyp aıtty. Eń bastysy - memleket tarapynan qamqorlyq bar ekenin sezindik»,–deıdi Júsipbek Qorǵasbek.

Sondaı-aq, ol elimizde qabyldanǵan tótenshe jaǵdaıǵa baılanysty tıisti sharalardy qatań ustaný kerektigin de basa aıtty.

«Qazirgi qolǵa alynǵan qatań sharalardy da qoldaımyn. Bas-aıaǵymyzdy jınap, tártipke kelip qaldyq. Koronavırýs indetinen barynsha saqtanýymyz qajet. Onyń basty emi - úıden shyqpaý. Qıyn kezde bárimiz birgemiz»,– dep qorytyndylady ol.

Aıta keteıik, 31 naýryz kúni Prezıdent Qasym-Jomart Toqaev respýblıkalyq telearnalar efırinen málimdeme jasaǵan bolatyn.

Foto: adebiportal.kz