Júrsin Erman «Qazaqstannyń Halyq jazýshysy» ataǵyna ıe boldy

ASTANA. KAZINFORM — Aıtys óneriniń janashyry, kórnekti qalamger, aqyn jáne qoǵam qaıratkeri Júrsin Ermanǵa Memleket basshysy Qasym-Jomart Toqaevtyń Jarlyǵymen «Qazaqstannyń Halyq jazýshysy» ataǵy berildi.

QR Mádenıet jáne aqparat mınıstrligi baspasóz qyzmetiniń málimetinshe, marapat ulttyq ádebıet pen aıtys ónerin damytýǵa sińirgen eren eńbegi úshin tabystaldy.

— Qurmetti ataq aqynnyń 75 jasqa tolǵan mereıtoıynda saltanatty túrde tapsyryldy. Buǵan deıin Júrsin Erman «Qazaqstannyń eńbek sińirgen qaıratkeri» ataǵyna ıe bolyp, Qazaqstan Jazýshylar odaǵynyń Muqaǵalı Maqataev atyndaǵy syılyǵymen eki márte marapattalǵan, — delingen habarlamada.

Buǵan deıin Júrsin Erman «Ulytaý oblysynyń qurmetti azamaty» atanǵanyn jazǵanbyz.