Jýrnalıstıka salasyndaǵy «Altyn juldyz» ıegerleri anyqtaldy
ALMATY. 29 mamyr. QazAqparat - Búgin Almatyda jýrnalıstıka salasyndaǵy joǵarǵy «Altyn juldyz» jalpyulttyq syılyǵynyń ıegerlerin marapattaý rásimi ótti.
Bul syılyq Qazaqstannyń baspa jáne elektrondyq buqaralyq aqparat quraldary salasyndaǵy eń mańyzdy jumystarǵa beriledi. Bıyl bul qurmetke Almatydan «Egemen Qazaqstan» gazetiniń tilshisi Aınash Esaly, Pavlodardan fototilshi Vladımır Býgaev jáne «Almatykitap baspasy» Dırektorlar keńesiniń tóraıymy Eleonara Batalova ıe boldy. Onda sondaı-aq, «Ana tili» respýblıkalyq gazetiniń bas redaktory Samat Ibragım, «Portret nedelı» baǵdarlamasynyń júrgizýshisi, telejýrnalıst Sergeı Ponamarev, «Novaıa gazeta Kazahstan» basylymynyń bas dırektory Amantaı Dandyǵulov Qazaqstan jýrnalıster akademııasynyń tolyq múshesi atandy.
