Jýrnalıstıka fakýltetinde «Egemen Qazaqstan» aqparat ortalyǵy ashyldy

Atalǵan ortalyq stýdentterge redaktsııa ujymymen tyǵyz qarym-qatynas ornatyp, shyǵarmashylyq jobalardy birlesip júzege asyrýǵa yqpal etpek.

Saltanatty jıynǵa «Egemen Qazaqstan» respýblıkalyq gazeti» Aktsıonerlik qoǵamynyń Prezıdenti Saýytbek Abdrahmanov jáne redaktsııa músheleri, Almaty bólimshesiniń jetekshisi - Qorǵanbek Amanjol, «Egemen Qazaqstan» gazetiniń ardageri - Mamadııar Jaqyp, sholýshylar - Gúlzeınep Abdrahmanova, Sharafaddın Ámirov, Aınash Esalı, tilshi Qanat Eskendir qatysty.

«Ǵylym-bilim ordasy men búgingi qazaq baspasóziniń kóshbasshysynyń búgingi ókilderi ótken kúnder órnekterine zamana kózimen sholý jasaı otyryp, bolashaqqa baǵdar silteýge tıisti dep oılaımyn. Sebebi qazaq rýhanııatynyń eki alyp báıtereginiń altyn tamyrlary tarıh tereńinde túıisip jatqandaı», - dedi ýnıversıtet rektory Ǵalymqaıyr Mutanov.

Saltanatty jıynda qos tarap Yntymaqtastyq týraly Memorandýmǵa qol qoıdy. Kelýshilerge arnap QazUÝ Ǵylymı kitaphanasynyń «Egemen Qazaqstandyqtar» shyǵarmashylyǵyna arnalǵan kórmesi uıymdastyrylyp, «Egemen Qazaqstan» gazetindegi QazUÝ shejiresi» atty beınefılm kórsetildi.