Jýrnalısti tikeleı efır kezinde órtep jiberdi
ASTANA. 30 qazan. QazAqparat - Bolıvııanyń ońtústigindegi ıAkýıba shtatyndaǵy Popular radıostansasynyń jýrnalısi jáne ıesi Fernando Vıdal tikeleı efırde baǵdarlamasyn júrgizip otyrǵan kezde belgisiz bireýlerdiń shabýylyna ushyrady.
RBK-nyń habarlaýynsha, kýágerlerdiń aıtýyna qaraǵanda betperde kıip alǵan tórt adam stýdııaǵa kirip, 78 jastaǵy júrgizýshiniń ústine benzın quıyp, órtep jibergen. Úshinshi dárejedegi kúıikter alǵan Vıdal aýrýhanaǵa jetkizildi. Qazirgi ýaqytta ol jansaqtaý bóliminde jatyr. Onyń basyn, keýdesin, ishi men qoldaryn kúıik shaldy.
Santa-Krýs departamentiniń gýbernatory Rýben Kostas jábirlengen jýrnalıstke qoldaýyn bildirip, onyń tezirek jazylýyn tiledi. «Memlekettik bılik organdary obektıvti tergeý júrgizip, qylmyskerlerdi jazalaǵanyn talap etemin», dep jazady gýbernator sózderin Los Tiempos .
BBC habarlaǵandaı, bul shabýyl jýrnalıstiń kásibı qyzmetimen baılanysty bolýy múmkin, óıtkeni ol jergilikti bılik kózderine syn aıtyp, kórshiles Argentınamen shekaradaǵy kontrabanda oqıǵalaryn tergeýmen aınalysqan edi.
ıAkýıba polıtsııasy qylmysty jasaý kúdigimen úsh adamdy ustady.
