Jýrnalısti ákimdikten kúshtep shyǵarǵan: Almatydaǵy kúzet mekemesi lıtsenzııasynan aıyryldy

ALMATY. QazAqparat – Alataý aýdandyq ákimdiginen kúshtep shyǵarylǵan «Habar 24» jýrnalısiniń oqıǵasynan keıin Kúzet agenttigi lıtsenzııasynan aıyryldy, dep habarlaıdy QazAqparat tilshisi.

Almaty polıtsııasynyń baspasóz qyzmeti bul aqparatty rastady.

«Mekeme basshysyn polıtsııaǵa shaqyryp, qyzmetti jalǵastyrmaýy úshin lızentsııasy alyndy», - dep habarlady vedomstvadan.

Eske salaıyq, 24 tamyz kúni Almatynyń Alataý aýdany ákimdiginiń kúzetshisi «Habar 24» telearnasynyń jýrnalısin kóterip, ákimdik ǵımaratynan shyǵaryp jiberdi.

Bul oqıǵaǵa baılanysty QR Aqparat jáne qoǵamdyq damý mınıstri Aıda Balaeva da óz oıyn bildirdi. Mınıstrdiń málimdeýinshe, jýrnalısterdiń quqyǵyn buzýǵa, olardyń resmı jumysyna kedergi keltirip, kúsh kórsetýge eshqashan jol berilmeýi kerek.

Keıin osy fakti boıynsha Alataý ákimdiginde komıssııa quryldy, qyzmettik tergeý bastaldy.