Jýrnalısterge sottyń ashyq otyrysyna smartfondar men planshetter alyp kirýge ruqsat etiledi
ALMATY. QazAqparat - Jýrnalısterge sottyń ashyq otyrysyna smartfondar men planshetter alyp kirýge bolady. Bul týraly Almatyda baspasóz máslıhatynda qalalyq sottyń BAQ-pen ózara is-qımyl jónindegi sýdıa úılestirýshisi málimdedi.
«Búginde buqaralyq aqparat quraldaryna aýdıo jáne vıdeo jazba úshin tehnıkalyq quraldardy paıdalanýǵa tyıym joq», - dep málimdedi Irına Fedotova.
Onyń aıtýynsha, tek tártip belgilendi, eger sottyń ashyq otyrysy bolatyn bolsa, onda BAQ ókilderi sot otyrysy bastalǵanǵa deıin iske tóraǵalyq etýshimen aldyn ala habarlasyp, ruqsat alýy tıis.
«Qylmystyq jáne azamattyq protsessýaldyq zańnamada bekitilgendeı, bul kelisimde is boıynsha protseske qatysýshynyń pikiri eskeriledi, ıaǵnı bul azamattyq is boıynsha - qýynýshy, jaýapker. Qylmystyq is boıynsha - sottalýshy, jábirlenýshi. Vıdeojazbalardy paıdalaný máselesi olardyń pikirin eskerip sheshiledi, sondyqtan búginde mundaı másele bizde týyndamaıdy», - dep atap ótti ol.
«Bul aıtylǵan talaptar aýdıo jáne vıdeojazba fýnktsııalary bar barlyq tehnıkalyq quraldarǵa jatady», - dep jaýap berdi Irına Fedotova.
