Jýrnalısterge shabýyldar uıymdastyrǵan Klebanovtyń soty jabyq rejımde ótedi

Qazaqstandyq jýrnalısterge jasalǵan shabýyldar boıynsha qylmystyq tergeý jabyq rejımde ótedi, dep habarlaıdy QazAqparat tilshisi.

Almaty sotynyń málimetinshe, jábirlenýshilerdiń ótinishi boıynsha A.Klebanovqa qatysty sot otyrysy jabyq rejımde ótedi.

«20 qyrkúıek kúni Almaty qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynda A.Klebanovqa medıtsınalyq sıpattaǵy májbúrleý sharalaryn qoldaný týraly tergeýshiniń qaýlysyn qaraý boıynsha kezekti sot otyrysy ótti. Birqatar jábirlenýshiden sot otyrystaryn jabyq rejımde ótkizý týraly ótinish tústi»,- dep habarlady Almaty sotynyń baspasóz qyzmeti.

Sot atalǵan tulǵalardyń jáne olardyń otbasy músheleriniń jeke ómirine qatysty málimetterdi jarııa etýge jol bermeý qajettiligin eskere otyryp, Qylmystyq is júrgizý kodeksiniń 29-babyna sáıkes, atalǵan ótinishhatty qanaǵattandyrdy.

Odan ári sot otyrysy jabyq túrde ótedi.

Buǵan deıin Іshki ister mınıstrligi men Ulttyq qaýipsizdik komıtetiniń vedomstvoaralyq jedel-tergeý toby redaktsııalar men qazaqstandyq BAQ ókilderine shabýyl jasaý faktilerin tekserip jatqany týralyhabarlanǵan bolatyn. https://kaz.inform.kz/news/zhurnalisterge-zhasalgan-shabuyldardyn-tapsyrys-berushisi-ustaldy_a4042555/