Jýrnalısterge Prezıdenttiń BAQ salasyndaǵy syılyǵy tabystaldy
ASTANA. KAZINFORM — Bul týraly Aqordanyń baspasóz qyzmeti habarlady.
Eldiń áleýmettik-ekonomıkalyq jáne qoǵamdyq-saıası damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý jónindegi qoǵamdyq komıssııanyń usynymyn qarap:
Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary:
«Time.kz» jelilik basylymynyń bas redaktory Rýslan Fanılevıch Bahtıgareevke — ınternet keńistiginde aqparat taratý isin belsendi júrgizgeni úshin;
«Egemen Qazaqstan» gazetiniń Aqmola oblysyndaǵy menshikti tilshisi Baıqal Qaıyrlyuly Baıádilge — otandyq jýrnalıstıkaǵa qosqan úlesi úshin;
«NewTimes.kz» aqparat agenttiginiń fototilshisi Álibek Ábdýbákiruly Ibraevqa — fotojýrnalıstıkanyń damýyna qosqan úlesi úshin;
«Qazaqstan» telearnasy aqparattyq-saraptamalyq baǵdarlamalar dırektsııasy dırektorynyń orynbasary Qaırat Janatuly Musaqulovqa — Qazaqstandaǵy televızııalyq jýrnalıstıkanyń damýyna qosqan úlesi úshin berilsin;
Qazaqstan Respýblıkasy Prezıdentiniń buqaralyq aqparat quraldary salasyndaǵy granttary:
«Baq.kz» aqparat agenttiginiń aǵa tilshisi Oljas Adaıǵa — elimizdegi saıası, ekonomıkalyq jáne áleýmettik reformalardyń iske asyrylý barysyn jarııalaýǵa qosqan úlesi úshin;
«Habar» agenttigi aqparattyq-saraptamalyq baǵdarlamalar qyzmetiniń redaktor-sarapshysy Botagóz Beısenbaıqyzy Aıtjanovaǵa — memlekettik aqparattyq saıasatty júzege asyrýǵa qosqan úlesi úshin;
kontentmeıker, kreatıvti ındýstrııany damytý jobalarynyń avtory Jazıra Jomartqyzy Baıdalyǵa — Qazaqstannyń tarıhı-mádenı murasy men týrıstik áleýetin nasıhattaýǵa qosqan úlesi úshin;
«Zakon.kz» aqparat agenttiginiń tilshisi Ekaterına Alekseevna Elıseevaǵa — «Zań jáne Tártip» qaǵıdaty negizinde Ádiletti Qazaqstandy qurýǵa baǵyttalǵan aýqymdy reformalardy jan-jaqty jarııalaýǵa qosqan úlesi úshin tapsyrylsyn;
Qazaqstan Respýblıkasy Prezıdentiniń buqaralyq aqparat quraldary salasyndaǵy Alǵysy:
«Astana» telearnasynyń shyǵarmashylyq ujymyna — otandyq televızııanyń damýyna qosqan úlesi úshin;
«Vechernıı Almaty» gazetiniń shyǵarmashylyq ujymyna — elimizdiń jáne óńirdiń áleýmettik-ekonomıkalyq damýyn keshendi túrde jarııalaýǵa qosqan úlesi úshin;
«Jas Alash» gazetiniń shyǵarmashylyq ujymyna — otandyq baspasóz basylymdarynyń damýyna qosqan úlesi úshin;
«Abai.kz» aqparattyq portalynyń shyǵarmashylyq ujymyna — elimizdiń qoǵamdyq-saıası ómirin kórsetýge qosqan úlesi úshin jarııalansyn.
Osy ókim buqaralyq aqparat quraldarynda jarııalansyn.
Aıta ketelik Prezıdent BAQ qyzmetkerlerin memlekettik nagradalarmen marapattaǵan edi.
