Jýrnalısterge qastandyq jasalǵan oqıǵalar memlekettik organdar tarapynan ashyq tergelýi kerek - sarapshy
"Jýyrda Astanada bolǵan toı kortejine qatysty daý-damaıdy mysalǵa alaıyq, budan ózge de mysaldar tolyp jatyr, aıtpaǵym, bul oqıǵalardyń barlyǵy azamattyq qoǵam memlekettik organdardyń jumysyna, jaýapkershiligine tıimdi yqpal ete alatynyn, tıisti organdardyń nazaryn naqty problemalarǵa aýdara alatynyn dəleldep otyr. Jəne de, memlekettik organdar da osyndaı sıpattaǵy ózara is-qımyl ornatýǵa daıyn ekenin kórsetti", - deıdi Ortalyq basshysy.
Al, QazAqparat tilshisimen əńgimesin jalǵastyrǵan ol birneshe kún buryn Almatyda belgisiz bireý soqqyǵa jyqqan jýrnalıst-bloger Bota Jumanovanyń isin Іshki ister mınıstrliginiń ózi baqylaýǵa alatynyn aıtty.
"Memlekettik organdar osyndaı faktilerge kelgende shuǵyl əreket etýi kerek. Ərıne, Bota Jumanovanyń isi əli tergelip jatyr. Múmkin ony (Bota Jumanovany - agenttik) rasymen de qyzmetine, jazǵandaryna bola soqqyǵa jyqqan shyǵar, múmkin, bul bir buzaqynyń isi shyǵar. Bul is ІІM jeke baqylaýynda jəne osyndaı isterdiń beti ashylyp, kinəliler jazalanýy kerek", - deıdi V. Kalıýjnyı.
"Bizdegi təjirıbe zańnama men Konstıtýtsııa Internette erkin aqparat taratýǵa múmkindik bar ekenin kórsetedi. Memlekettik organdardyń moınyna úlken jaýapkershilik júktelip otyr, ıaǵnı, memlekettik organdar ınternet jýrnalısterine jasalǵan qastandyqtardy tergeýde ashyq bolýy kerek", - deıdi ol halyqaralyq ınternet-platforma týraly ótken jıynda.
Aıta keteıik, búgin Astanada "Quqyqtyq medıa-ortalyq" qoǵamdyq qorynyń uıymdastyrýymen halyqaralyq ınternet-platforma ótti. Platformaǵa Qazaqstan, Reseı, Brıtanııa, Belarýs, Ýkraına, Grýzııa, Təjikstan jəne Qyrǵyzstan elderiniń belgili sarapshylary qatysýda.
