Jýrnalısterge arnalǵan «Parlament sózi» syılyǵyna ótinim qabyldaý bastaldy
NUR-SULTAN. QazAqparat - Búgin Parlament Májilisiniń zań shyǵarý qyzmetin úzdik nasıhattaǵan jýrnalısterge arnalǵan «Parlament sózi» syılyǵyna úmitkerlerden ótinim qabyldaý bastalady. Bul týraly Májilistiń baspasóz qyzmetine silteme jasap QazAqparat habarlaıdy.
Arnaıy parlamenttik syılyq 2016 jyly Palata Spıkeri Nurlan Nyǵmatýlınniń tóraǵalyq etýimen Májilis Bıýrosynyń sheshimi boıynsha taǵaıyndalǵan bolatyn. Bıylǵy jyly úshinshi ret tapsyrlady.
Ataýly syılyqqa Palatanyń zań shyǵarýshylyq qyzmeti jaıynda 2018 jylǵy 3 qyrkúıek pen 2019 jylǵy 15 maýsym aralyǵynda jazylǵan jáne jaryq kórgen materıaldar qabyldanady.
Jeńimpazdar alty atalym - Májilistiń qyzmeti týraly úzdik televızııalyq, merzimdik baspasóz, ǵalamtor men radıomaterıaldar, sonymen birge, foto jáne beıne-materıaldar boıynsha anyqtalady. Sondaı-aq, Qazaqstan parlamenttik jýrnalıstıkasynyń damýyna úles qosqandar da eskeriledi.
Ótinimder 2019 jyldyń 17 maýsymyna deıin qabyldanady. Jeńimpazdar Baılanys jáne aqparat qyzmetkerleri kúni qarsańynda jarııalanady.
Qosymsha aqparatty Májilistiń resmı saıtynan alýǵa bolady.
