Jýrnalısterge arnalǵan «Parlament sózi» syılyǵynyń bıylǵy ıegerleri belgili boldy
ASTANA. KAZINFORM – Májiliste jýrnalısterge arnalǵan «Parlament sózi» syılyǵynyń bıylǵy ıegerleri men arnaýly atalym jeńimpazdary marapattaldy.
Bıyl jeti nomınatsııa boıynsha 17 adam úzdik dep tanyldy. Syılyqty jeńimpazdarǵa Májilis tóraǵasy Erlan Qoshanov tapsyrdy.
Ol áýeli syılyq jeńimpazdary men barsha BAQ ókilderin kásibı merekemen quttyqtady.
– Sońǵy jyldary jýrnalısterdiń qyzmetin, sóz bostandyǵyn qamtamasyz etý jolynda kóp sharýa atqarylyp jatyr. Memleket basshysy Qasym-Jomart Kemeluly Toqaevtyń júrgizip otyrǵan saıasatynyń negizgi ózegi de sol. Sonyń birden-bir kórinisi – osy Májilis alańy. Búgingi tańda BAQ – bul aqparatty halyqqa jetkizýdiń eń mańyzdy, obektıvti jáne jedel arnasy. Al jýrnalıster qaýymyn depýtattardyń eldi damytý jolyndaǵy naǵyz odaqtastary deýge bolady, – dedi Palata spıkeri.
Erlan Qoshanov Prezıdenttiń tapsyrmasy boıynsha ázirlengen «Mass-medıa týraly» jańa zańdy depýtattar jýrnalıstermen birge jazǵanyn jáne olardyń kóptegen usynys-pikirin eskergenin atap ótti.
Jańa zań buqaralyq aqparat quraldarynyń múddelerin qorǵaıdy jáne otandyq medıa salasyn jetildirýge mol múmkindik beredi. Onyń jumysyna jýrnalıster arasynan shyqqan eń belsendi depýtattar qatysty. Olar árqashan óz áriptesterimen baılanysta jáne Májilistiń ashyqtyǵy úshin kóp jumys isteıdi.
Aıta ketý kerek, 7 atalymnyń marapatyn ıelengender arasynda «Qazaqparat» agenttiginiń fototilshisi, 72 jastaǵy áriptesimiz Vıktor Fedıýnın de bar. Al Jibek Joly telearnasy «Parlament sózi» arnaıy syılyǵyna ıe boldy.
Sonymen, «Úzdik baspa jarııalanymy úshin» nomınatsııasymen «Túrkistan» gazetiniń bas redaktory Babajanuly Baýyrjan, «ıÝrıdıcheskaıa gazeta» basylymynyń tilshisi Saktaganova Lınara Boryevna marapataldy.
«Úzdik televızııalyq sıýjet úshin» nomınatsııasy boıynsha «Habar» telearnasynyń tilshisi Brjanova Alına Rashıtovna, «Almaty» teleradıokompanııasynyń jýrnalısi Anýarbek Ómir Serikbekuly, «Eýrazııa» birinshi arnasy» telearnasynyń tilshisi Qaınetden Janel Kenjebekqyzy úzdik dep tanyldy.
«Úzdik beıne-sýret materıaly úshin» nomınatsııasy «Qazaqparat» halyqaralyq aqparat agenttiginiń fototilshisi Fedıýnın Vıktor Vladımırovıchke, «MIR» telearnasynyń teleoperatory Kýrakov Marat Kýbaıdýllovıchke tabystaldy.
«Úzdik ınternet jáne radıo materıaly úshin» nomınatsııasyn «BAQ.KZ» aqparat agenttiginiń tilshisi Ramanqulova Gúljan Ábdikárimqyzy, «NS» radıosynan Begımbetov Erbol Meırhanuly, «BES.media» jelilik basylymynyń jýrnalısi Baımanov Damır Asqaruly aldy.
«Arnaıy reportaj» nomınatsııasy boıynsha «24.kz» telearnasy «Májilis live» baǵdarlamasynyń júrgizýshisi Sholgına Anna Aleksandrovna, «Abai.live» Youtube arnasynyń júrgizýshi-redaktory Tlenshıev Abaı Seıfýllauly, «Zakon.kz» saıtynyń tilshisi Gýbenko Andreı Olegovıch marapattaldy.
«Parlamenttik jýrnalıstıkany damytýǵa qosqan úlesi úshin» nomınatsııasynda «Qazaqstan» Ulttyq arnasy «Apta» baǵdarlamasynyń jetekshisi Jaksylyqova Jaına Slambekqyzy men «Vremıa» gazetiniń bas rekdaktory Tarakov Lev ıÝrevıch jeńiske jetti.
Sondaı-aq «Parlament sózi» arnaıy syılyǵy nomınatsııasy «Tengrinews.kz» jelilik basylymy men «Jibek joly» telearnasynyń ujymyna tabystaldy.
Kazinform agenttigi áriptesterdiń barshasyn quttyqtaıdy.
