Jýrnalısterge arnalǵan konkýrs jarııalandy

NUR-SULTAN. QazAqparat -Mádenıet jáne sport mınıstrliginiń Til saıasaty komıteti Baılanys jáne aqparat qyzmetkerleriniń kúnine oraı «Memlekettik til jáne BAQ» respýblıkalyq konkýrsyn jarııalady, dep habarlaıdy QazAqparat.

«Memlekettik til jáne BAQ» respýblıkalyq konkýrsynyń qaǵıdalary Qazaqstan Respýblıkasynyń Baılanys jáne aqparat qyzmetkerleriniń kúnine oraı baǵyttalǵan is-sharalardy ótkizý maqsatynda ázirlengen. Konkýrsty ótkizýdiń maqsaty memlekettik til saıasatyn buqaralyq aqparat quraldarynda nasıhattaý, qazaqtildi kontentti arttyrý jáne memlekettik tildiń qoldaný aıasyn keńeıtý bolyp tabylady. Konkýrs tórt nomınatsııadan turady: «Úzdik maqala», «Úzdik telebaǵdarlama», «Úzdik radıobaǵdarlama», «Úzdik saıt maqalasy». Konkýrsqa memlekettik tildi damytý, nasıhattaý, onyń qoldanys aıasyn arttyrý boıynsha BAQ-ta materıaldar jarııalaǵan jýrnalıster qatysa alady. Aldyńǵy konkýrstardaǵy bas júldemen marapattalǵan jeńimpazdar Konkýrsqa qatystyrylmaıdy», - dep jazdy mınıstrliktiń baspasóz hatshysy Aıdar Qyryqbaı Facebook paraqshasynda.

Konkýrstyń bas júldesi - 1 mıllıon teńge. 1 oryn - tórt nomınatsııa boıynsha árqaısysyna 500 000 teńge. 2 oryn - tórt nomınatsııa boıynsha árqaısysyna 350000 teńge. 3 oryn - tórt nomınatsııa boıynsha árqaısysyna 150000 teńge.

Konkýrsty ótkizý týraly habarlandyrý aldyn ala mınıstrliktiń saıtynda ornalastyrylady.