Jýrnalısterge arnalǵan «Egemen Akademııasy» jobasy bastaý aldy
ASTANA. QazAqparat - «Egemen Qazaqstan» gazeti jas jýrnalısterge arnalǵan «Egemen Akademııasy» jobasyn bastady.
«Egemen akademııasy» - medıa qyzmetkerler men stýdentterge bilimderin shyńdaýǵa, biliktiligin arttyrýǵa jáne zamanaýı trendtermen tanysýǵa múmkindik beretin oqý alańy. Jobanyń maqsaty - qazaqtildi basylym mamandarynyń bilimin arttyryp, salalyq jýrnalıstıkaǵa beıimdeý, sondaı-aq ózekti taqyryptar tóńireginde talqylaý alańyn keńeıtý.
Joba kelesi mindetterdi kózdeıdi: jýrnalıstıka mamandyǵynda oqıtyn jastardyń bilimin shyńdaý; óńir jýrnalısteriniń biliktiligin arttyrý; salalyq taqyryptar boıynsha mamandardyń qatysýymen lektsııalar men semınarlar ótkizý; qoǵamda bolyp jatqan ózekti taqyryptar boıynsha dıskýssııa alańyn usyný; qazaq jýrnalıstıkasy máselelerin kóterý.
«Egemen Akademııasy» jobasy úzdiksiz qyzmet etedi jáne onyń sharalary tikeleı efırde Egemen.kz saıtynda jáne áleýmettik jelilerde kórsetiletin bolady.
Joba úsh aıdan turatyn kýrstarǵa bólingen. Ár kýrs aıaqtalǵan kezde ótken sabaqtar boıynsha tanymdyq maqala, esse jáne saraptamalyq materıal jazǵan belsendi qatysýshylarǵa arnaıy sertıfıkat tabystalady.
29 naýryz kúni jobanyń alǵashqy maýsym bastaldy.
Qatysamyn deýshiler úshin tolyq aqparat - https://egemen.academy saıtynda.
