Jýrnalısterge arnalǵan «Azattyq daýysy - 2009» atty ortalyqazııalyq baıqaý jarııalandy

ALMATY. Qarashanyń 20-sy. QazAqparat /Názıra Eleýhan/ - «MediaNet»  halyqaralyq jýrnalıstıka ortalyǵy eń úzdik adam quqyǵy týraly jazylǵan maqalalarǵa baıqaý jarııalady,

dep habarlaıdy QazAqparat.

 Baıqaý 2007 jyldan beri ótkizilip keledi. Ol adam quqyǵy salasynda qalam tartyp, quqyq qorǵaý taqyrybynda materıal daıyndap júrgen   jýrnalıster men tilshilerdi qoldaýǵa, kóńil aýdarýǵa, marapattaýǵa arnalǵan. Baıqaýǵa 2008 jyldyń jeltoqsan aıynan búgingi kúnge deıin gazet jáne ınternet betterine jazylǵan maqalalary, sonymen qatar, ortalyqazııalyq aımaqtardaǵy BAQ-dyń da jumystary  qabyldanady. Olardyń jumystaryn zańger, advokat, quqyq qorǵaý mamandary jáne elimizdiń ár aımaqtaryndaǵy BAQ redaktorlarynan quralǵan ádil qazylar alqasy baǵalaıtyn bolady.

Ótinishter qarasha aıynyń  30-na deıin qabyldanady. Eń úzdik maqalaǵa aqshalaı syılyq tabystalady. Baıqaý qorytyndysy jeltoqsanda, Búkilálemdik adam quqyqtary kúni shyǵarylyp, jeńimpazdar marapattalady.