Jýrnalısterdiń quqyǵy men bostandyǵy týraly ulttyq baıandama ázirlenedi

ASTANA. QazAqparat – Bıyl elimizde BAQ ókilderiniń qyzmetine arnalǵan ulttyq baıandama ázirlenbek. Bul týraly Aqparat jáne qoǵamdyq damý vıtse-mınıstri Qanat Ysqaqov málim etti, dep habarlaıdy QazAqparat tilshisi.

«Bizge málim, halyqaralyq uıymdar ártúrli baǵytta baıandamalar ázirleıdi. Osy oraıda biz bıyl memlekettik jáne úkimettik emes uıymdarmen birlese otyryp jyl sońyna deıin Memleket basshysyna ulttyq baıandama ázirleımiz. Onda aldymen tilshilerdiń quqyǵyn qorǵaý jáne saqtaý týraly monıtorıngtik taldaý, BAQ ókilderiniń quqyǵy buzylýynyń problemalaryn zertteý, sonymen qatar tilshilerdiń qaýipsiz jumys isteýi jáne aqparatty erkin alýy men taratý qaralady», - dedi Qanat Ysqaqov Májiliste «Mass-medıa» týraly zań jobasyn talqylaý barysynda.

Onyń aıtýynsha, ulttyq baıandama aqparatty erkin alyp, taratýda qoljetimdilikti qamtıdy.

«Ulttyq baıandama arqyly BAQ yqpaly óse túsedi. Bul biz úshin mańyzdy», - deıdi ol.

Buǵan deıin BAQ jáne tilshilerdi sotqa berý merzimi 3 jylǵa deıin qysqaratyny týraly habarlaǵan edik.