Jýrnalısterdiń basym bóligi bılik organdaryna adal qyzmet etedi - E. Ertisbaev
ASTANA. 12 shilde. QazAqparat - Memleket Qazaqstandaǵy buqaralyq aqparat quraldarynyń redaktsııalyq saıasatyna tikeleı aralasyp otyrǵan joq.
Sondyqtan, jýrnalısterdiń basym kópshiligi bılik oryndaryna adal qyzmet etedi. Bul týraly búgin Astanada «Qazaqstandyq zańnamany sóz bostandyǵynyń halyqaralyq standarttaryna jaqyndastyrý perspektıvalary» atty konferentsııa barysynda jýrnalısterge bergen suhbatynda QR Prezıdentiniń saıası máseleler jónindegi keńesshisi Ermuhamet Ertisbaev málim etti.
Prezıdent keńesshisiniń pikirinshe, bılik eshqashan redaktsııanyń saıasatyna tikeleı aralasqan emes, aralasa da almaıdy.
«Óıtkeni, buǵan qatysty eshqandaı normatıvtik-quqyqtyq tetik joq. Sonymen qatar, Qazaqstandaǵy baspasózdiń 95 paıyzy bılikpen dos bolmasa da, yntymaqtastyqpen jumys istep, oǵan adal bolýdy qalaıdy», - dedi E.Ertisbaev.
Onyń aıtýynsha, qazaqstandyq jýrnalıster belgili bir basylymnyń redaktsııalyq saıasatyna baǵynady jáne sóz bostandyǵyna sonshalyqty talpynys jasamaıdy.
