Jýrnalıster úshin arendalyq baspana salynbaıdy - Q. Bıshimbaev

ASTANA. QazAqparat - Jýrnalıster úshin arendalyq baspana salynbaıdy. Bul týraly búgin Astanada Ortalyq kommýnıkatsııalar qyzmetinde «Báıterek» ulttyq basqarýshy holdıngi» AQ basshysy Qýandyq Bıshimbaev málim etti.

«Osy baǵdarlama boıynsha jýrnalısterge arnap arendalyq turǵyn úıler salynbaıdy. Ol tek jergilikti ákimdikterde páter kezeginde turǵan azamattarǵa beriledi. Páterlerdi berý protsedýrasy baǵdarlamada tolyq jazylǵan. Biraq ol úshin aldymen jergilikti basqarýshy organdarǵa baryp, kezekke turý qajet. Tek sol kezde ǵana páter ala alasyzdar», - dedi ol tilshilerdiń saýalyna bergen jaýabynda.

Aıta keteıik, bunyń aldynda jýrnalıster arzan arendalyq turǵyn úılerdiń ekinshi sanatyna jatqyzylady dep habarlanǵan bolatyn.