Jýrnalıster Prezıdent júldesi úshin shaǵyn fýtboldan synǵa túsedi
NUR-SULTAN. QazAqparat – QR Prezıdentiniń júldesi úshin BAQ ókilderi arasyndaǵy shaǵyn fýtboldan jarys ótedi, dep habarlaıdy QazAqparat.
«30 tamyzda Nur-Sultan qalasyndaǵy «Astana Arena» stadıonynda QR Konstıtýtsııasy kúnine oraı tuńǵysh ret BAQ ókilderi arasynda Qazaqstan Respýblıkasy Prezıdentiniń júldesi úshin shaǵyn fýtboldan respýblıkalyq týrnır ótedi. Týrnırdiń maqsaty – BAQ qyzmetkerleri arasynda salaýatty ómir saltyn nasıhattaý, áriptestik jáne dostyq qarym-qatynasty nyǵaıtý», - dep jazdy Memleket basshysynyń baspasóz hatshysy Berik Ýálı Facebook-te.
Jarysty uıymdastyrýshy – QR Prezıdentiniń baspasóz qyzmeti.
«Týrnırge elimizdiń BAQ ókilderinen quralǵan shyǵarmashylyq top komandalary qatysa alady. Jeńimpaz jáne júldeger komandalar, sondaı aq arnaıy nomınatsııalar boıynsha úzdik atanǵan oıynshylar úshin qarjylaı syılyq bar», - dep tolyqtyrdy ol.
