Jýrnalıster men blogerler úshin Astana kúnine arnalǵan konkýrs 15 shildege deıin uzartyldy
ASTANA. QazAqparat - Astana qalasynyń ákimdigi jýrnalıster men blogerler úshin elordanyń 20 jyldyǵyna arnalǵan konkýrstyń merzimin uzartýda, dep habarlaıdy astana ákimdiginiń resmı saıty.
«Qatysýshylardan kelip túsken kóptegen ótinishterge baılanysty Qoǵamdyq damý isteri basqarmasy jumystardy qabyldaýdyń merzimin 2018 jyldyń 15 shildege deıin uzartty», - delingen resmı habarlamada.
Esterińizge sala keteıik, jýrnalısterge arnalǵan «Jetistikterdiń elordasy - Astana» konkýrsy kelesidegi nomınatsııalar boıynsha ótedi:
- BAQ betterinde jáne ınternet-resýrstardaǵy elordanyń jetistikteri týraly eń úzdik saraptamalyq materıal
- Astananyń 20 jyldyǵyna arnalǵan úzdik fotoreportaj
- «Astana - bolashaqtyń qalasy» úzdik avtorlyq joba
Blogerlerge arnalǵan «Seniń Astanań» konkýrsynyń nomınatsııasy:
- Astana keshe jáne búgin - 20 jyldaǵy jetistikter
- Bolashaqtyń astanasy - aqyldy qala
- Álem kartasyndaǵy Astana
- Astana - beıbitshilik pen kelisim qalasy
Ótinish berý jáne konkýrsqa qatysýdyń sharttarymen www.astana20.kz saıtynan tanysyp shyǵýǵa bolady.
