Jýrnalıster qaýymy búginde demokratııa men damýdyń qozǵaýshy kúshine aınaldy - Senat tóraǵasy Q. Mámı
ASTANA. 28 maýsym. QazAqparat - Búgin QR Parlamenti Senatynda besinshi shaqyrylǵan Parlamenttiń birinshi sessııasynyń qorytyndysy boıynsha ótken brıfıngten keıin palata spıkeri Qaırat Mámı zań shyǵarmashylyǵyn jazyp kórsetýde belsendi eńbek sińirgen jýrnalısterdi quttyqtap, alǵys jarııalady.
«Parlamenttik tilshilerdiń shynaıy jáne mazmundy materıaldary qalyń jurtshylyqty joǵary zań shyǵarý organynyń qyzmeti týraly habardar bolýyna tikeleı yqpal etti. Óz atymnan jáne palata senatorlarynyń atynan BAQ ókilderine rızashylyǵymdy bildirip, alǵys aıtamyn Biz damýdyń demokratııalyq negizderin betke alyp otyrǵan elmiz. Soǵan laıyq elimizde qoǵamdyq pikirdi erkin jetkize alatyn, zaman talabyna saı buqaralyq aqparat quraldary qalyptasty», - dedi Qaırat Mámı.
Onyń aıtýynsha, jýrnalıster qaýymy egemen elimizdiń jańa shejiresin jazyp qana qoıǵan joq, olar búginde demokratııa men damýdyń qozǵaýshy kúshine aınaldy.
«Búgingi kásibı merekelerińizben taǵy da quttyqtaı otyryp, memleketimizdiń saıası-ekonomıkalyq ómirin shynaıy kórsetýge arnalǵan qyzmetterińizge jemis tileımin», - dedi Senat tóraǵasy.
