Jýrnalıster fılologııany tereńdetip oqıtyn bolady - Bilim jáne ǵylym mınıstri
ASTANA. 17 mamyr. QazAqparat - Bıyl biz pedagogtarmen birlese otyryp, bilim men ǵylym salasyndaǵy kásiptik standarttardy ázirleýge kirisemiz.
Búgin Eýrazııa ulttyq ýnıversıtetinde ótip jatqan Qazaqstan Respýblıkasy fılologtarynyń I sezi otyrysynda QR Bilim jáne ǵylym mınıstri Baqytjan Jumaǵulov osylaı aıtty.
Mınıstr atap kórsetkendeı, atalǵan standarttardy daıarlaý barysynda bolashaq pedagog mamandarǵa joǵary talaptar qoıý qarastyrylǵan. «Ásirese, jýrnalıst, redaktor, PR-maman, baspa isiniń menedjeri úshin fılologııalyq daıyndyqty tereńdetý jáne fılologııalyq mádenıetti kóterý sııaqty talaptarǵa negizgi basymdyq berý kerek», - deıdi B.Jumaǵulov.
